|
Post by Saurabh Jain on May 3, 2006 7:10:27 GMT 5.5
Khud se karun sawaal...
Khud se karun sawaal to kya jawaab milega, Kaagaz pe likhun naam to kya chehra woh dikhayi dega.
Kyon suboh ki har kiran ek naya paigaam laati hai, Kyon shaam ki woh laali kuch yaadein chor jaati hai, In yaadon ko yun sanjo loon to kya kissa wohi banega.
Kyon barkha ki tip-tip boondein sangeet suna jaati hein, Kyon baadalon mein chamakti roshani andheron ko mita jaati hai, In andheron se jo bahar niklun to kya aakash wohi dikhega.
Kyon phoolon ki bahaarein khushboo bikher jaati hain, Kyon pattiyon ki sar-saraahat khaamoshi mita jaati hai, Is khaamoshi ko jo todun to kya nagama woh sunaai dega.
Kyon sochta hun mein ke un yaadon ko sanjo loonga, Andheron ko roshan karunga aur khaamoshi mita doonga.
Par jo sochta hoon mein kya mujhko woh saahil milega, Kaagaz pe likhun naam to kya chehra woh dikhayi dega.
Khud se karun sawaal to kya jawaab milega?
|
|
|
Post by loyalgurl on May 7, 2006 10:44:18 GMT 5.5
jo khud se karoge sawaal toh jawaab milega sun kar usse ansuna na kar dena sawaal ban kar woh jawaab zehan mein hi rahega usse apne se kahin alag na kar dena yaadon ko sanjone se kissa wohi banega bahar nikal kar dekho akash wohi dikhega khamoshi tod kar dekho nagma wohi sunega kaagaz par likho naam toh chehra wohi dikhega kehte hain dhoondne se milta hai bhagwaan bhi apne par vishwaas karke dekho, inka jawaab bhi milega!!! Hope u guys like it
|
|
Saeed
Full Member
Posts: 435
|
Post by Saeed on May 8, 2006 16:52:12 GMT 5.5
Treat your life as sea, your heart as sea shore & friends like waves.....
It never matters how many waves are there; What matters is how many waves touch the sea shore.....
|
|