|
gazal
May 29, 2006 15:13:16 GMT 5.5
Post by prabha on May 29, 2006 15:13:16 GMT 5.5
Tum ho ke to dunyaa se bay-zaar kabhi daiho Aankho'n mai'n kabhi utro, uss paar kabhi daikho
Aansoo ki haqeeqat to, hai zakhm se paiwastaa Garr rooh pe tum khaa ker, ik baar kabhi daikho
Ho aankh jaha'n dard to aansoo ho kahaani Aisee bhi koee dunyaa ik baar kabhi daikho
Dil toot na jaay gaa, garr tum jo kabhi khud ko Aaeena-e-dunyaa mai'n bay-kaar kabhi daikho
Daikho gay kabhi tum bhi, ik doobti nayya ko Saahil pe kharay ho ker ik baar kabhi daikho
Woh mujh se ye kehtay hai'n, chhoro ye ajab baatai'n Jazbaat ki lughat mai'n, tum pyaar kabhi daikho
Parhtay jo meri aankhain, to jaan ye laitay woh Kuchh log nahi'n kertay izhaar kabhi daikho
Auro'n ki tarah tum bhi, boli naa lagaa daina Baahar jo mere ghar ke khareedaar kabhi dakho
Iss shor mai'n tum meri aawaaz dabaa dainaa Garr log samaa'at se bay-zaar kabhi daikho
Bojhal jo meri aankhain daikhai'n to wo kehtay hain Tum so ke to abb Areeb ik baar kabhi daikho
|
|
|
gazal
May 29, 2006 15:44:57 GMT 5.5
Post by kuchu on May 29, 2006 15:44:57 GMT 5.5
wah sahab wah
gazab ki gazal hai
|
|