|
Post by vimala on Jun 25, 2008 19:09:11 GMT 5.5
Ghazal :
Is baat ka malaal hai , shikwa nahi mujhey
Merey qareeb reh ke wo samjha nahi mujhey
Achhaa nahi ke mai usey bey wafa kahoon
Uss ne to mohabbat se bhi dekha nahi mujhey
jaisey mai mil gaya tha usey rah mai para
pathar tha ke heera kabhi parkha nahi mujhey
tashna lab-o-dehen tha , kitni thi meri piyaas
kia mera mudda'a thaa! jaana nahi mujhey
kho ker meri talash mai palta nahi kabhi
ya uss ne jaan boojh ker payaa nahi mujhey
kehta hey dill sabat mera ho ke be-qarar
uss ne kabhi sanbhal ke rakha nahi mujhey
|
|